YADDA TURAWA SUKE KOKARIN KAFA KASAR ISRA'ILA HAKA NE SUKA KAFA AMERIKA DA SAURAN WASU KASASHE

-



Malam Aminu Aliyu Gusau


Tun daga shekarar 1887 lokacin da turawa, musamman turawan Biritaniya, suka fara kawance da yahudawa a kan manufar kwace kasar Falasdinu, har zuwa yau , zamu ga cewa babbar manufarsu itace kwace kasar ta Falasdin baki daya da kore dukkan Falasdinawa daga cikinta.


Ma'ana dai itace dukkan tattaunawa da ake yi a Majalisar dinkin duniya da wadda kasashen turawa suke yi game da samar da wata kasar Falasdinawa gefen kasar yahudawa munafunci ne ba gaskiya bane. Dama kawai suke son samu domin su idar da aikin da suka fara na kawar da dukkan Falasdinawa daga dukkan kasar ta Falasdin.


Wannan hanya da turawa da yahudawa suke bi a Falasdin ba nan ne suka fara haka ba. Sun yi haka a wasu kasashe, suka kwace su daga mazaunansu na asali, ta hanyar kashesu da dannesu da korarsu.


Daga cikin irin wadannan kasashe da turawa suka shiga suka kashe mafi yawan mazaunansu, suka danne sauran, suka mayar da kasar tasu, akwai Amerika da Australiya da Greenland.


A Afrika ma sun yi kokarin yin haka a wasu wuraren amma basu ci nasara ba. Misali Faransawa sun yi kokarin kwacewa da mamaye kasar Aljeriya, sai dai 'yan Aljeriya sun kwaci kasarsu da 'yancinsu ta hanyar yaki mai zafi. Haka ta faru a kasar Rodeshiya inda turawan Biritaniya suka yi kokarin yin zaman dirshan amma 'yan kasar suka yi gwagwarmayar kwatar kai, suka sake wa kasar suna zuwa Zimbabwe.


A Afrika kasa ta karshe da ta 'yanta kanta daga mulkin danniya na wariyar launin fata ita ce Afrika ta kudu. Wannan tsarin wanda a karkashin shi turawa suka kwace kasar, suka ware bakar fata da suke asalin masu kasa suka dannesu suna yi masu wariyar launin fata ana kiran shi da turanci "Apartheid".


Irin wannan tsarin shine turawa da yahudawa suke aiwatarwa a Falasdin, amma a madadin wariyar launin fata - farar fata da bakar fata - to da sunan wariyar kabila ake yi a Falasdin - yahudawa da larabawa.


Al-muhim dai shine mu gane cewar abinda ke faruwa a Falasdin tsari ne na turawa da suka saba aiwatarwa a duniya. Suna amfani ne da yahudawa saboda su yahudawan sun riga sun rine sun zama turawa don tsawon zaman da suka yi a Turai .


A halin yanzu Falasdin ita ce kasa ta karshe a duniya inda ake da sauran wannan matsala ta mulkin mallaka, inda kuma Falasdinawa basu yarda a kwace kasarsu ba, suke ta gwagwarmaya. Sai kuma gashi mas'alar Masjidul Aqsa ta mayar da mas'alar ta addini. Duk da kuwa ko a maganar kasa muka tsaya to gwagwarmayar kariyar kasar musulunci daga kafurai, ko sake kwato ta daga hannunsu idan sun kwaceta, duka mas'aloli ne na addini.


Allah Ka basu nasara Amin.

Comments

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more