INA MAKOMAR SIYASAR ABDULAZIZ YARI, MARAFA DA MABIYAN SU?

-




A satin da ya gabata ne daya daga cikin shugabanin "yan awaren APC reshen Jihar Zamfara wato tsohon Sanata Kabiru Garba Marafa ya kai ziyara a hedikwatar jam'iyyar APC ta kasa dake Abuja domin tantance katin shi na zama cikakken dan Jam'iyyar APC.

Isar sa ke da wuya ya tafi kai tsaye zuwa wurin rumbun adana bayanai na daukacin wadanda suka yi rejistar wannan jam'iyyar wato APC inda ya umurci mai bincike da ya bincika masa sunan shi ta hanyar lambobin katin rejistar shi.

Bayan kammala bincike kwakwaf da aka yi daga rumbun ajiyar, babu alamar suna ko lambar wannan rejistar shi ba a rumbun adana bayanai na wannan jam'iyyar. Rahotanni sun suna tsohon Sanatan ya fusata ya fita yana zage-zage.

Idan baku manta ba bayan sauya shekar da Gwaman Bello Matawalle yayi daga Jam'iyyar PDP zuwa Jam'iyyar APC hedikwatar Jam'iyyar ta bukaci kowa ya sabunta rijistar shi ta zama cikakken dan Jam'iyyar yayin da bangaren 'Yan awaren suka yi kememe suka ce ba zasu canza rejistar ba inda suka garzaya kotu.

A cikin watan da ya gabata hotuna sunyi ta yawo a yanar gizo na ganawar shugaban Yan awaren APC wato tsohon Gwamna Abdulaziz Yari tare da Bukola Saraki, Rabiu Musa Kwankwaso da kuma baya bayan nan tsohon mataumakin Shugaban Kasa wato Atiku Abubakar wadanda dukan su jiga -jigan jam'iyyar PDP ne.

Bayan sirri da muka samu sun nuna cewa ganawar sirrin da suka yi yana duba yiwuwar canza sheka ne zuwa PDP amma kuma a yanzu PDP tana hannun mutane biyu wato Gwamnan Jihar Ribas Nysom Wike da kuma Gwamna Aminu Waziri Tambuwal.

A halin da ake ciki yanzu suna tunanin ya zasu kwace Jam'iyyar PDP daga hannun su ko kuma su dauki wata sabuwar Jamiyya.

Comments

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more