INA MAKOMAR TSARON NAJERIYA?

-


Daga Datti Assalafiy


Majalisar Dattawa da sauran al'ummar Kasa suna cigaba da yin kira ga Maigirma shugaban kasa Muhammadu Buhari Maigaskiya akan ya tsige manyan hafsoshin tsaron Nigeria, tare da maye gurbinsu da sabbi

A nazari da tunanin masu wannan kiran ga shugaba Buhari shine cews idan ya aiwatar da bukatarsu hakan zai zama sanadin magance matsalar tsaron Nigeria a halin da ake ciki

To amma ga mutanen da suka san sirrin tsaron Nigeria zasu tabbatar muku da cewa tsige shugabannin tsaro da maye gurbinsu da wasu sabbi ba zai canza komai ba, ko da za' samu canji na lokaci ne kankani lamarin tsaron Kasar zai cigaba da tafiya a yadda yake

Amma ina ne matsalar tsaron Nigeria yake? kuma ta ina za'a magance matsalolin tsaron? Ku daure ku karanta wadannan mas'alolin tsaron Nigeria guda sha-shida (16) wanda ni Datti Assalafiy dalibin jami'ah dake karatu a fannin kimiyyar Laifuka da Tsaro na wallafa kamar haka:
!
(1) Duk wanda ke son fahimtar wannan sai yayi tunanin abinda yasa mutanen da aka basu amana a bangaren jagorancin tsaro suke cin amanar da aka basu tare da danne hakkin na kasa da su

(2) Sai an fahimci dalilin da yasa jami'in tsaro yake karban na goro a hannun direban motocin fasinja

(3) Sai an fahimci dalilin da yasa jami'in tsaro yake karban kudin beli a hannun fararen hula, da kudin da zai sayi takardan da zai rubutu jawabin mai kara da wanda ake kara da shaidu, idan bai karbi kudin sayan takardan ba sai dai yacire a aljihunshi ya saya

(4) Sai an fahimci dalilin da yasa za'a kawo ma jami'an tsaro korafi ana bukatar su hau motarsu don kai agajin gaggawa, amma sai suce babu kudin mai, kuma da gaske babu kudin man!

(5) Sai an fahimci dalilin da yasa wasu gurbatattun jami'an tsaro kan hada baki da miyagun mutane masu cutar da zaman lafiyar al'ummah suna karban cin hanci daga garesu

(6) Sai an fahimci dalilin da yasa wasu gurbatattun jami'an tsaro kan karbi toshiyar baki daga gurin dillalen miyagun kwayoyi da manyan dilolin tabar wiwi

(7) Sai an fahimci dalilin da yasa manyan ofisoshin jami'an tsaro ke kashe kudin aljihunsu wajen neman hanyar da za'a kaisu Maiduguri yaki da Boko Haram saboda danne hakkin na kasa da su

(8) Sai an fahimci dalilin da yasa lauyoyi masu zaman kansu suke jiran 'yan sanda su gabatar da wani kasurgumin mai garkuwa da mutane a kotu don su tsaya masa su samu makudan kudi su kubutar dashi

(9) Sai an fahimci ta ina ake shigowa 'yan ta'addan Boko Haram da masu garkuwa da mutane manyan makamai masu hatsari?

(10) Sai an fahimci ta ina ne ake kawo ma 'yan Boko Haram da masu garkuwa da mutane man fetur da gas har cikin jeji, wanda suke zubawa a motoci da babura su hau su shiga garin mutane suyi ta'addanci

(11) Sai an fahimci hanyar da ake kawo ma 'yan Boko Haram da masu garkuwa da mutane magunguna da miyagun kwayoyi

(12) Sai an fahimci dalilin da yasa kungiyoyin turawa na sharri wai kungiyoyin agaji wanda ba na gwamnati ba ( International NGOs) da suka mamaye Kasar Borno da Yobe suna taimakon 'yan Boko Haram ta karkashin kasa

(13) Kuma sai an fahimci dalilin da yasa ake cin amanar jami'an tsaron da suka sadaukar da rayuwarsu domin Nigeria ta zauna lafiya

(14) Sai an fahimci dalilin da yasa ake cin amanar fararen hula masu bayar da sahihin rahoto akan bayanan sirrin tsaro

(15) Sai an fahimci dalilin da yasa 'yan jaridu ke samun bayanan sirrin tsaro fiye da hukumomin tsaron dake dauke da alhakkin kula da tattara bayanan sirrin tsaro

(16) Sai an fahimci dalilin da yasa jami'an tsaro da sukayi yaki suka kare Kasa, suka sadaukar da rayuwarsu, bayan sunyi ritaya daga aiki suke shan wahala kafin a biyasu kudinsu na giratuti, wa su kuma suke sake komawa aikin gadi maimakon su huta tunda sun tsufa

Idan majalisar Dattawa da sauran masu ruwa da tsaki a Kasar suka taimaki gwamnatin shugaba Buhari ta magance wadannan matsaloli guda 16 da Datti Assalafiy ya bayyana, to za'a samu mafita mai dorewa game da tabbatar da tsaron Nigeria

Ban wallafa wannan rubutun don bayyana gazawar wani ko kuma yiwa wani batanci ba, gaskiyar lamari na bayyana saboda kishin kasa, don haka ayi hakuri.

Ina rokon Allah Ya yiwa shugabannin Nigeria jagoranci, Ya basu ikon aikata abinda yake alheri ga zaman lafiyar Nigeria Amin.

Za'a iya tuntubar marubuci ta Gmail: Dattiassalafiy@gmail.com

Comments

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more