BUDADDIYAR WASIKA ZUWA GA MAI DARAJA GWAMNAN JIHAR ZAMFARA HON DR BELLO MUHAMMAD MATAWALLEN MARADUN MON

-


Daga Alhajin APC




Salamun Alaikum.

Mai Girma Gwamna tareda Girmamawa da Mutumtawa nake rubuta maka wannan Wasika a matsayinka na Shugaban mu Wanda Allah ya jibantama nauyin Kare rayuwa, mutumci da dukiyoyin Al'ummar jihar Zamfara Samada mutum Miliyan Uku da doriya.

Mai Girma Gwamna a Lokacinda Allah ya baka jagorancin Wannan jihar, mutanen jiha sunyi murna da farin ciki Marar misaltuwa musamman mutanen Karkara wadanda sune sukafi Shafuwa da iftila'in dake addabar jihar Zamfara.
Tabbas Mai daraja Gwamna Al'ummar jihar Zamfara sunyi farin ciki da jawabinka na farko Wanda a cikin Shi ka nuna damuwarka akan abunda ke faruwa a yankunan jihar Zamfara da kuma irin Matakan daka dauka nayin Sulhu da "Yan bindiga, matakinda ya haifar da d'a Mai ido, Wanda har Shugaban Kasa Muhammad Buhari ya yabama Wannan kokarin naka tareda jinjina maka tareda yin Kira ga takwarorinka Gwamnoni da Suyi koyi dakai ta wannan haujin.

Mai Girma Gwamna Saninka ne kuma Sanin al'ummar jihar Zamfara ne cewa wannan Matsalar ta rashin tsaro ka gajeta ne daga Gwamnatin data gabata ta Abdul Aziz Yari.

Mai Girma Gwamna tsohon Dan Siyasa Kake ba Sabon shiga ba, Kasan Sharrin Siyasa ka Kuma San amfanin ta, kasan hanyoyin da ake bi a samu cikakkiyar nasara  a Gwamnatance.

Mai Girma Gwamna yakamata ka tsaya kayi karatun tanatsu ka gano dalilanda sukasa Matsalar tsaro ke kokarin dawowa tattareda irin kokarin da kakeyi ba dare ba rana don ganin al'ummar birni da karkarar jihar Zamfara sunyi kwana da ido biyu ba tareda fargabar komai ba.

Mai Girma Gwamna Sanin Kane cewa a dabi'a ta Siyasa da "Yan Siyasa duk Wadanda baku jam'iyya daya dasu kuma baku hadu akan wata manufa ba to babu yadda za'ayi suyi maka fatar Samun nasara kowace irice.

Mai Girma Gwamna matukar bakayi amfani da karfin ikon da Allah ya baka ba wajen yin waje rod da "Ya 'yan jam'iyyar daba naka ba kuma bakuyi tarayya dasu wajen ceto jihar Zamfara ba to akwai yiyuwar Cigaba da fuskantar kalubale, (Allah Ya tsare, Allah Ya kiyaye).
Mai Girma Gwamna anyi Gwamnatoci baya Kafin Gwamnatinka a jihar Zamfara kuma kowa (har Kai) ya shedi yadda aka gudanarda Gwamnatocin, baa taba jam'iyyar Gwamnatin jiha daban ta Kananan hukumomi daban ba, ko lokacin Mulkin Yarima da akayi tare dakai, da Yarima yazo ya taradda Shugabannin Kananan hukumominda bana jam'iyyar Shi ba Saida ya Kare lagonsu Sannan yasamu ya zauna lafiya kuma ya kaucema kowace irin barazana ta Siyasa.

Mai Girma Gwamna ka saki jikinka kuma ka dogara ga Allah ka rabu da kaya don ka Samu nasarar tafiyarda Gwamnatin ka yadda yakamata tare kuma da cin nasarar Gwamnatinka.

Allah Ya taimakeka ya Kara maka kwazo da himma na ganin kuduroranka na alkhairi ga jama'ar jihar Zamfara sun tabbata, Allah Ya baka ikon yin nazari akan wannan wasikar tawa tare kuma da yin aiki da abunda ta kunsa.

Comments

  1. Unknown19 November 2019 at 04:13

    Gaskia wannnan shawara tayi sosai Allah yabashi ikon aiki da ita

    ReplyDelete

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more