YADDA ZA'A SHIRYAR DA YARA DABI'U MASU KYAU

-

1. Ku dinga shiga gida da sallama, inda hali ku sumbanci yaran ku, wannan zai sa musu kauna da sanin kiman kan su.

2. Ku zama masu kyakkyawar mu'amala ga makwabtanku, kada ku zama masu gulma da rada, kar ku fadi munanan magana ga masu abin hawa a kan hanya.
Yaran ku suna ji, za su koya kuma zasu dauka su dinga yi.

 3. Duk lokacin da za kuyi magana da iyayen ku a waya ko za ku ziyarce su ku tabbatar kun yi tare da yaran ku, domin hakan zai sa yara su koyi jin ƙai da kuma tausaya muku don sun ga yadda kuke yi wa naku iyayen.

4. Lokacin kai su makaranta kar ku yawaita sa musu kide kide da waƙoƙin sharholiya, ku yawaita basu labarai da kissoshi da zai ankarar da su Al'amurra na gari, Ina tabbatar muku zai taimaka sosai!

5. Karanta musu guntayen labarai ko wani guntun tarihi a ko wane rana, ba zai ci lokaci ba amma yana taimaka musu wajen nitsuwa kuma yana kama zuciyar su.

6. Ku tsaftace kan ku da Wanka da wanke baki da taje kai da sa kyawawan tufafi (Kaya) ko da kuwa kuna zaune a gida ne ba inda zakuje, wannan zai koya wa yara tsafta da kwalliya ba sai za aje unguwa ba.

7. Kuyi kokari kar ku yawaita dorawa yaran ku laifi ko magana akan ko wani abu su kayi, ku koyi kawar da kai akan wasu abubuwan wannan zai taimaka musu wajen sa su samu nitsuwar kan su.

8. Ku nemi izinin shiga dakin yaran ku, kuma kada kawai ku kwankwasa ko yin sallama kawai, ku saurare su su baku izini kafin ku shiga, wannan zai sa suma suyi muku makamancin sa wajen shiga dakin ku.

 9. Ku nuna rashin jin dadin ku, ku nemi basu hakuri a duk inda ku kayi kuskure wannan zai koya musu zama masu ƙanƙan da kai da kuma masu sauƙin kai.

10. Kar ku me da magana ko shawarar yaran ku abun ƙyaliya ko yasashshiya ko abin wasa ko da kuwa bisa wasa kukayi domin yana kona musu rai.

11. Ku gwadawa yaran ku girmamawa da mutuntawa wannan yana da muhimmanci sosai a gare su don zai kara musu kaifin mutuntakar su da sanin darajar kan su.

12. Kar kuyi tsammanin zasu fahimci ko yarda da shawarwarin ku da farko, kada ku dauki hakan da zafi, ku bi a hankali da hakuri da jajircewa bukata za ta biya.

13. Ku dinga salloli da ibada tare da yaran ku, ku koyar da su ibada, wannan shine zai kai su ga nasara.

14. Bugu da kari, bayan sallar asuba ku tambayi yaran ku irin shirin da sukayi wa wannan rana na game da Al'amurran su na abinda ya shafi lokutan su, rashin haka yana iya sa su fada hannun lalatattun yara tsaran su kuma su bata musu tarbiyya.

15. Ku sumbance yaran ku duk safiya ku sa musu albarka.

Ku taimaka ku yada wannan don sauran Iyaye su karu su ma.

ALLAH TA'ALA YA ALBARKACE MU DA IYALANMU BAKI DAYA.AMIN

Comments

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more