AN HANA ZABABBUN 'YAN MAJALISAR TARAYYA TARE DA 'YAN MAJALISAR DOKOKI NA JIHAR ZAMFARA HALARTAR TARON BITA

-



Daga Aliyu B. Musa, Abuja.

 Kasancewar ya zama dabi'a a duk lokacin da aka yi sabon zabe aka samu sababbin wakilai, akan shirya masu wata bita ta sanin makamar aiki wanda manyan 'Yan Majalisar dattijai da wakilai ta kasa sukan halarta a babban dakin taro na kasa wato National Conference Hall dake Abuja.

Hukumar zabe mai zaman kanta ta Kasa wato INEC ke tura sunayen wadanda suka ci zabe amma ba sunayen wadanda suka fito daga jihar Zamfara.

Binciken da jaridar Tauraruwa tayi ya nuna cewa a yayin da sauran zababbun 'Yan Majalisar Tarayya da na jiha suke nasu taron bita a Babban Zauren taro na kasa dake Abuja su kuma takwarorin su na Jihar Zamfara da ba'a ba damar shiga babban zauren ba suna wani Otal mai suna Stonhedge dake babban birnin tarayya wato Abuja.



Idan baku manta ba kungiyar gwamnonin Najeriya ma sun taba shirya wani taron bita ga tsofaffi tare da sababbin zababbun Gwamnoni inda gwamnan jihar Zamfara yaje tare da Alhaji Muktar Idris a matsayin zababben gwamna duk da Kotun daukaka kara dake Sokoto ta aje hukuncin babbar Kotun Jihar Zamfara da tayi na halattar da zaben fidda gwani da Gwamnatin take ikirarin tayi. Wannan yasa masana daga kowane bangare na Najeriya suka dunga suka akan cewa anyi wa Doka karantsaye na halartar shi Alhaji Muktar Idris wajen taron.

Hana su da akayi bai rasa nasaba da maganganu da sukayi ta kawo akan ganin yadda Gwamna Abdulaziz Yari yake ma dokokin Najeriya karan tsaye.

Comments

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more