ME YASA SHUGABA BUHARI KE NEMAWA ÝAN JAM'IYYARSA AGAJIN ƘURI'UN JAMA'A?

-


Daga Mukhtar Jubril, Bauchi.

   



Na zo da wannan tambayar ne kuma zan amsata, bayan ganin yadda masu adawa suke neman ɗaukar hankalin jama'a tare da neman danƙarawa jama'a ƙin lafiyayyen shugaban nasu, don kawai sun hango mummunan kaye a zaɓe. Tabbas jama'a da dama sun kasa gane yadda al'amuran siyasar ƙasar nan ke gudana. Kana zaton a kwai wanda zai iya gudanar da mulki da aiwatar da kyawawan manufofinsa ba tare da samun nasarar jam'iyyarsa a kowane mataki ba?

Kowa dai ya riga ya sani cewa mulkin ƙasa ba mutum guda ke yinsa ba, kuma kowa ya san tasirin gwamnoni da sauran kujeru a cikin mulkin ƙasa. Ko mun manta lokacin da mataimakin shugaban ƙasa a lokacin tsohon shugaban ƙasa Obasanjo wato Atiku Abubakar ya riƙa juya al'amura a zagayen farko na mulkinsu, sabo da kawai ya mallaki Gwamnoni da yawa. Ko kuna zaton jam'iyyun adawa za su so shugaban ya samu nasara a gudanar da mulki alhali su ma jam'iyyunsu suna son ƙarɓe mulkin a kowane mataki? Waɗannan misalan da makamantan su shaida ne a kan cewa matuƙar shugaba na son aiwatar da gwamnatinsa cikin nasara to dole ne ya ƙarfafi nasarar jam'iyyarsa a kowane mataki. Domin ba zai taɓa zaton abu mai kyau daga ɓangaren masu adawa da shi ba.

A ƙarshe dai amsar tawa itace, dole ne sai jam'iyyar APC na da rinjayen kujeru tun daga Gwamnoni da ýan majalisu, kafin wanda ya lashe zaɓen shugaban ƙasa a cikinta ya iya samun damar gudanar da mulkinsa cikin nasara. Kuma a kan wannan ne mai girma shugaban ƙasa ke tsayin daka wajen ganin jam'iyyar APC ta lashe dukkanin kujerunta a zaɓuɓɓuka masu zuwa. Har yau a kwai buƙatar mu daɗa wayar da kan mu game da yadda muke yin soyayyar siyasa da kuma adawar siyasa, in ba haka ba ba za mu taɓa samun ci gaba a irin siyasar da mukeyi yanzu ba.

Comments

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more