RUNDINAR SOJIN SAMA NA NIGERIA TAYI SHIRIN KAIWA AGAJI A JIHAR ZAMFARA

-


Daga shafin Datti Assalafiy





Rundinar sojin sama na Nigeria ta kaddamar da gagarumin shirin tunkarar 'yan ta'addan da suka addabi jihar Zamfara ta hanyar leken asiri ta sararin samaniyar Zamfara tare da kaiwa farmaki akan 'yan ta'adda.

AVM I.S Kaita ne ya wakilci shugaban sojojin saman Nigeria AVM Sadik Abubakar wajen kaddamar da jiragen yakin da za'ayi aiki dasu a jihar ta Zamfara.

Sannan daga bangaren rundinar sojojin Kasa Operation Rainin Ido sun fara aiki tare da manyan kayan yaki na zamani sun bazama jihar Zamfara kuma tuni har sun fara aiki kamar yadda aka tsara.

Daga bangaren rundinar 'yan Sanda kamar yadda na fada kwanaki ana shirin tura dubban 'yan sandan kwantar da tarzoma (mopol) da kwararrrun 'yan sanda masu tunkarar ayyukan ta'addanci (counter terrorist unit) zuwa jihar Zamfara.

Akwai yakinin cewa gwamnatin Baba Buhari tayi kyakkyawan shirin kawo karshen masu aikata ta'addanci a jihar Zamfara da taimakon Allah.

Sannan dangane da zargin wasu masu ikon Zamfara da hannu cikin ta'addancin da akeyi a jihar komai zai iya faruwa, har ake cewa gwamnan jihar Zamfara ya fito yayi rantsuwa cewa bashi da hannu ciki, ni ina ganin bai kamata a zargi kowa ba matukar babu wata shaida ko dalili akan zargin, babban muhimmin abu dai a harkan magance tsaro shine sai an raba siyasa da harkan tsaro, abar jami'an tsaro suyi aikinsu kawai.

Sannan gwamnatin tarayya karkashin umarnin shugaban Kasa ya kafa kwamitin amintattu masana tsaro suyi aikin tattara bayanan sirrin tsaron jihar Zamfara, wannan zai bada dama a fahimci lamarin gaba dayansa

Yaa Allah Ka bada Nasara ga jami'an tsaron Kasarmu Ka kawo zaman lafiya a Zamfara da sauran sassan Nigeria gaba daya.

Comments

Post a Comment

Popular posts from this blog

MUKTAR IDRIS KO SANUSI RIKIJI: AN SAMU RARRABUWAR KAWUNA A CIKIN MAGOYA BAYAN GWAMNATIN ZAMFARA

-
Image
Daga S. Sadiq Gusau. An samu rarrabuwar kawuna tsakanin  magoya bayan Dan takarar da Gwamnan jihar Zamfara ya so ya gaje shi a matsayin Gwamnan Jihar Zamfara wato Mukhtar Shehu Idris da kuma masu son a kawo Rt Hon Sanusi Garba Rikiji a matsayin Dantakar Gwamna. Wasu bayanan sirri da muka samu sun nuna cewa wasu daga cikin magoya bayan Gwamna sun yi mubaya'a ga Kakakin Majalisar dokokin Jihar wato Rt Hon Sanusi Garba Rikiji. Wadannan magoya bayan suna kiran Hon Sanusi Rikiji a matsayin " RABA GARDAMA " wato a nasu hasashen Gwamnan jihar zai janye ra'ayin shi na tsayar da Mukhtar Shehu Idris wanda shine Kwamishinan Kudi na Jihar domin ganin yadda ya fuskanci turjiya daga al'umar Jihar Zamfara. A binciken da Jaridar Tauraruwa Hausa ta yi ya nuna cewa Yan Majalisar dokokin Jihar masu goyon bayan gwamnati suna tare da wannan tafiya ta shugaban su wato Rt Hon Sanusi Garba Rikiji wanda shugaban masu rinjaye a Majalisar wato Hon Isah Abdulmumini Talata Mafa...
Read more

BA SHARRI BANE: GA CIKAKKEN BAYANIN ABUN DA YA FARU

-
Image
Daga  Datti Assalafiy Babban shugaban cocin Living Faith Church worldwide Bishop David Oyedepo, da babban shugaban cocin Roman Catholic Diocese of Sokoto Bishop Matthew Hassan Kukah (babban aminin Jonah Jang), Sheikh Dr. Ahmad Gumi, Tsohon shugaban Kasa Olusegun Obasanjo, Tsohon Mataimakin shugaban Kasa Atiku Abubkar Wadannan mutane da na lissafa sun hadu suka shiga tattaunawar sirri a masaukin tsohon shugaban Kasa Obasanjo dake Olusegun Obasanjo Presidential Library (OOPL) Oke-Mosan Abeokuta, kuma tattaunawar sirrin sun gabatar da ita ne a tsakar daren da ya gabata Cikin wadanda akayi tattaunar sirrin dasu akwai tsohon gwamnan jihar Ogun da tsohon gwamnan jihar Cross River Gbenga Daniel da Liyel Imoke, da kuma Sanata Ben Bruce da wasu manyan jiga jigan 'yan siyasa na jam'iyyar PDP. To jama'a ni dai zanja hankalinmu, wallahi duk tafiyar da akace an hadata da Bishop Matthew Hassan Kukah na rantse da girman Allah ba tafiyar alheri bace, muna da cikakken masaniya ...
Read more

WANI TSOHON DANMAJALISAR DOKOKIN JIHAR ZAMFARA YAYI WA TSOHON GWAMNA SUJADA

-
Image
Daga S. Sadiq, Gusau . Wani abunda ba'a saba gani ba musamman ga musulmi Arewacin Najeriya shine yima mutum sujada, wanda idan aka samu irin hakan abun yake zama abun al'ajabi a wurin al'umma. Lahadi 1 ga watan Satumba 2019 magoya bayan jam'iyyar APC suka kai ziyara tare da gaisuwar bangajiya ga tsohon Gwamnan Zamfara wato Abdulaziz Yari Abubakar bayan ya dawo daga aikin hajji. Abunda ya bada mamaki shine yin sujada tare da fashewa da kuka da wani tsohon Danmajalisa yayi mai suna Hon. Mannir Gidan Jaja, wanda ya Wakilci Zurmi ta yamma a gwamnatin da ta gabata yayi yana rokon yafiya ga gwamnan domin canza jam'iyya da yayi daga APC zuwa PDP, inda ya bayyana cewa bai yi wanka ba da ma can a baya. A bunciken da jaridar Tauraruwa tayi, ta gano cewa shi dai Hon. Mannir Gidan Jaja ya canza jam'iyya daga APC zuwa PDP a watan da ya gabata sai dai bai samu karbuwa ba  ga jam'iyyar PDP dalilin sa kenan na komawa tsohuwar jam'iyyar sa.
Read more